Nagpaandam ro mga agency security halin sa “Five Eyes” nga alyansa, nga ginaeakipan it Estados Unidos, Britanya, Canada, Australia, ag New Zealand, angot agresibo nga mga taktika it mga Chinese spy nga nagagamit it mga online job platform ag mga propesyonal nga networking sites sa pag-recruit it mga indibidwal nga makatau it mga sensitibo nga impormasyon.
Sa sangka “Safeguarding Our Secrets” bulletin, gintaw-an it atensyon it mga intelligence ag security agency it alyansa nga direkta nga gina-target it military intelligence services it China ro mga nagatrabaho sa gobyerno, militar, ukon sin-o man nga may access sa mga classified ukon confidential document.
Suno sa alyansa, ro nagapanguna nga katuyuan it China hay ro pag-angkon it privileged military, political, ag economic intelligence nga makasarang magtau it “strategic” ag “tactical advantage” kontra sa Five Eyes.
Dugang pa it report, naga-abot sa ginatos hasta sa libu-libong dolyar ro bayad kada report, ag nagadugang pa samtang mas sensitibo nga impormasyon ro ginatau.
Sa pihak nga parte, hugut raya nga ginpanginwaea it China ag gin-anunsyo nga ro nasambit nga mga alegasyon hay puro himo-himo eamang ag malisyoso nga nagapang-guba.
