Posibleng makasuhan it Obstruction of Justice ro sin-o man nga mapamatud-an nga nagatago kay Senator Ronald “Bato” Dela Rosa kasunod it pagpaeagyo kara sa anang ginapangatubang nga arrest warrant halin sa International Criminal Court (ICC) suno sa Criminal Investigation and Detection Group (CIDG).
Pahayag ni CIDG Director PMGen. Robert Morico II, pwedeng makasuhan ro sin-o man nga magabulig ag magapamaeabag para sa pag-implementar it warrant sa nasambit nga Senador.
Kat ginpangutana man si Morico kon ginakonsidera man nga Person of Interest si Senator Robin Padilla bangud sa pagkumpirma kara nga ginpasakay nana sa anang saeakyan si Dela Rosa, ginpahayag nana nga depende kon makita raya sa baeay ni Padilla ag makabig raya nga Obstruction of Justice.
Angot kara, ginpahayag ni Morico nga parte it andang imbestigasyon ro dungan nga pagguwa it daywang senador sa premises it Senado pagkatapos it natabo nga shooting incident sa lugar.
