Ginpasiguro it bag-ong ilihir nga lider it Senado nga si Senador Francis Escudero nga pairalon nanda ro “conscience vote” sa proposisyong diborsyo sa nasyon.
Ro reaksyon ni Escudero hay kasunod it pagkaapruba it divorce bill sa Kamara nga ko una hay 126 ro pabor, 109 ro nagpamaeabag ag 20 ro abstain apang ko ulihi hay gin-eksakto ro numero sa 131 ro pabor ag pareho gihapon ro numero it nagpamaeabag ag abstain.
Suno sa liderato it Senado, ro magiging posisyon it mga senador sa divorce bill hay conscience ag personal vote hay igabase sa kon ano ro tagsa-tagsa ka pagpati ag relihiyon it kada kaibahan nana sa Senado.
Uwa sigon imaw it planong diktahan ro mga senador agud paburan ukon pamaeabagan ro hagna.
Apang, kon si Escudero ro kuntan-on, bukon it diborsyo kundi mas gusto nana nga paeaparon ag himuon nga masarangan kamana man accessible ro annulment sa idaeom it family code.
