Nagaeaum si Senator Risa Hontiveros nga mabaeabagan eon ro poder ni Kingdom of Jesus Christ founder Pastor Apollo Quiboloy nga makapaeagiw sa mga kaso nga anang ginapangatubang.
Raya hay matapos nagpaguwa it freeze order ro Court of Appels (CA) sa bank accounts ag propiyedad it pastor. Suno sa 48 nga panig nga resolusyon it CA, nakabaehag nga sakop it freeze order ro 10 nga bank accounts, pito nga real properties, lima nga saeakyan, ag sangka eroplano ni Quiboloy.
Mag-eowas kara, gindaea man ro bank accounts it KOJC ag Swara Sug Media Corporation nga imaw ro naga-operate sa Sonshine Media Network International (SMNI).
Ginaeauman man it senadora nga magabueuligan ro mga lokal nga otoridad sa andang mga foreign counterparts para matapna ro pag-paguwa it kwarta it pastor halin sa mga offshore account.
Ginpasaeamatan man it senadora ro Anti-Money Laundering Council (AMLC) bangud sa pagpanguna it ahensya sa freeze order petition.
