Temporaryo anay nga magapahuway sa promotional activities si Filipina singer Sophia Laforteza it global girl group nga KATSEYE agud tutukan ro anang mental health ag overall well-being.
Sa statement it HYBE x Geffen, ginpahayag nga nakabaton si Sophia it suporta matapos ro maid-id nga konsultasyon sa mga medical professional nga nagrekomendar nga magpahuway pa imaw it mas mabuhay.
Suno sa ahensya, prayoridad nanda ro long-term well-being it andang mga artist ag padayon nga suportahan si Sophia sa anang recovery.
Magatau man raya it dugang nga update sa masunod nga mga domingo ag nagpasaeamat sa mga fans it KATSEYE, nga ginatawag nga EYEKONS, sa andang pag-intindi ag suporta.
Sa separado nga pahayag ni Sophia sa Instagram story, ginpahayag nana nga nagakanugon imaw nga maabu nga aktibidad ro anang mamiss, apang naintindihan nana ro pagkinahangean nga unahon anay ro anang ikamayad nga eawas ag kamaeayran. Si Sophia ro ikaywa nga miyembro it KATSEYE nga nag-hiatus, kasunod ni Manon nga nag-hinyu man it break para tutukan ro anang personal health ag well-being.
