Maeaka eamang ro nagaselebrar it paskwa sa south Africa.
Suno kay bombo international correspondent Arlene Ariola Govender nga kumpara sa Pilipinas, medyu masubo ro selebrasyon it Paskwa sa nasambit nga nasyon.
Apang agud nga mabatyagan sa gihapon ro spirit of Christmas, nagatililipon sanda nga mga pinoy ag naga organisa it party.
Sa kamatuoran suno kana sa maabot nga disyembre 4 hay magapatigayon it Christmas party ro Philppine Embassy sa Pretoria kun sa siin imbitado ro tanan nga mga pinoy.
Samtang, pilang mga South African hay nagabutang man it mga dekorasyon ag nagahanda kada paskwa apang bukon it bongga kapareho it paskwang pinoy nga maskin malisod ro pagpangabuhi hay nagatinguha nga may masaeuhan ro bilog nga pamilya.
Sa pihak nga parte, limitado man ro selebrasyon it pagsug-aeaw it bag-ong dag-on sa south Africa.
Suno kay govender nga raya hay bangud nga may pilang lugar ukon komunidad sa nasambit nga nasyon nga ginabawae ro paeupok bilang pag amlig sa mga kasapatan partikular sa mga alagang ayam.
May kahigayunan nga ro andang gobyerno hay nagataeana it sangka lugar nga pagahiwatan it fire works display.
Owa man sanda it ginatawag nga media noche ukon saeo-saeo sa pagsug-aeaw sa bag-ong dag-on.
Normal nga adlaw eamang sigon ro new years celebration , apang may pila nga nagabakasyon sa raya nga mga paniempo.
