KALIBO, Aklan—Pabor si Sangguniang Panlalawigan (SP) Member Nemesio “Ampod” Neron Chairman it Committee on Transportation sa ginapatuman nga polisiya angot sa pagbutang it barrier sa tunga it driver ag angkas sa motorsiklo.
Suno kana nga ro nasambitan nga tikang hay agud malikawan ro pagkalhit pa it coronavirus disease ukon COVID-19 pandemic.
Sa pihak kara, dapat sigon nga taw-an it konsiderasyon ro mga mag-asawa ukon couple.
Raya hay bangud ro mag-asawa hay naga-iba sa bilog nga gabi-e.
Ro pagabawaean eamang nga mag-angkas hay ro mga nagabyaheng habal-habal driver kung sa siin ro mga pasahero hay bukon it andang pamilya ag posibleng ro iba hay maghalin pa sa ibang lugar.
Samtang, gin-engganyo man ni SP Neron ro mga katapo it kapulisan nga maging maid-id sa pagkilaea it mga mag-asawa ukon couple nga naga-angkas sa motorsiklo.
Sa makarun hay maabo ro pwedeng magpalusot nga sanda hay mag-asawa para makapanipueos sa ginapatuman nga regulasyon.
