KALIBO, Aklan—Aprubado eon it Sangguniang Panlalawigan it Aklan sa ikatlo ag ulihing pagbasa ro proposed appropriation ordinance it supplemental budget No. 4 para sa makaron nga dag-on.
Nakabaehag sa natungdan nga ordinansa ro kabilugang P34,419,997 nga alokasyon para pondohan ro COVID-19 related nga programa, proyekto ag aktibidad it probinsya.
Nakaplastar sa resolution 2021-1411 ro pondo para sa tagsa-tagsa ka programa it lokal nga gobyerno.
Ginakaeakipan raya it PGO nga may alokasyong P100,000; financials para sa COVID-19 related death nga P2.5 million; Provincial Health Office (PHO) nga may alokasyong P15,051,300 para sa quarantine ukon isolation accommodation kamana man P200,000 para sa vaccination; PSWDO nga naga nagaserbing community kitchen nga may P1.5 million; DRSTMH nga may alokasyong P1.5 million para sa bueong ag dugang nga P12,768,697.21 para sa medical supplies.
Samtang, bangud sa krisis tuga it pandemya, ginpakamayad it gobyerno probinsyal nga bawasan ro ayuda nga ginatao para sa mga pasyenteng namatay bangud sa COVID-19.
Halin sa dating P34,000 hay ginpanaba eon raya makaron sa P25,000.
Ginklaro man kara nga ro nasambit nga ayuda hay para eamang sa creamtion it mga pasyenteng namatay sa Aklan Provincial Hospital samtang ro mga namatay sa pribadong ospital hay ro tagsa-tagsa ka mga LGU ro magatao it burial assistance apang magatao man sigon ro gobyerno probinsyal it P5,000 para sa ground burial.
