Kalibo Aklan ———-Nagapabilin nga bastante ro supply it baboy sa bilog nga Western Visayas.
Raya ro ginpahayag ni DA Region 6 spokesman James Earl Ogates sa pihak nga padayun nga ginapasugtan it andang taeatapan ro mga swine producers nga mag-supply it baboy sa National Capital Region.
Ro Region 6 suno kana kaibahan ro Region 7 ag 9 hay ro mga nabilin nga lugar eon lang sa nasyon nga nagapabilin nga eowas sa African Swine Fever ukon ASF.
Makabig man suno kana nga bentaha sa mga hog raisers ro pagtinaas it presyo it buhi nga baboy nga makaron hay nagahampang ro presyo sa 165 hasta 170 pesos per kilo.
Padayun man sigon ro andang monitoring sa mga poultry ag livestock agud nga malikawan ro bird flu , foot and mouth disease ag iba pang sakit.
Samtang, gindugang pa ni Ogates nga bastante makaron ro supply it local nga high value crops vegetables sa bilog nga Region 6 kapareho it sayote, baguio beans, labanos ag carrots.
Ro mga nagasueod sigon nga produkto halin sa baguio city hay nakadepende sa demand it mga buyers ukon negosyante.
Owa man sigon sanda it na-monitor nga mga imported nga carrots nga nakasueod sa rehiyon nga kaeabanan nga ginabaligya makaron sa metro manila .
Ginbalita man nana nga pinaagi sa post harvest facility sa parte it Miag-ao, Iloilo hay malikawan ro pagka-eunot it mga gina-ani nga sibuyas sa nasambit nga lugar nga imaw ro nagasupply sa pilang parte it Region 6 .
Bangud kara, owa it anuman nga nataeupangdan nga pagtaas sa presyo it mga agricultural products eabi eon it bugas .
Sa pihak it pagtama it Bagyong Agaton nga nakalista it kahalitan nga masobra sa 388 milyon pesos .
