KALIBO, Aklan—Nagapabilin nga bastante ro supply it manok ag itlog sa probinsya it Aklan.
Apang, mahina gihapon ro bentahan maskin nga tinamaan it African Swine Fever ukon ASF virus ro probinsya suno sa negosyanteng si Peter Masongsong.
Kapin sa P180 pesos ro kada kilo it manok nga sakto eang man nga makaginansya sanda ag maibalik ro andang kapital.
Maabo gihapon sigon ro nagabakae makaron it baboy kaysa sa manok ag isda.
Apang, ginaeauman ro posibleng pagtaas sa presyo it manok sa mga paaeabuton nga inadlaw eabi eon kon uwa it mabakae nga baboy sa merkado publiko bangud nga amat-amat eon nga nagakaubos ro baboy matapos nga tamaan it ASF virus.
Ro andang presyo it kada kilo it manok hay nakadepende man sa andang supplier ro importante hay inde sanda malugi it husto.
