Gin-engganyo it sangka election lawyer ro Korte Suprema nga resolbahon eon ro petisyon kontra sa kandidatura ni presumptive president Ferdinand “Bongbong” Marcos Jr.
Ginpahayag ni immediate past president it Philippine Bar Association nga si Atty. Rico Domingo nga raya hay para maduea eon ro huna-huna it mga pomoeuyo kung may kamatuoran baea nga kwalipikado ro sangka kandidato para sa sangka posisyon.
Suno pa kay Domingo, ro pagtao it resolusyon sa nasambit nga petisyon ro makapakalma ag makapahipos sa paino-ino it kada isaea nga pagabatunon eon lang nga si Marcos eon ro masunod nga magapungko bilang pangueo.
Samtang, gin-insister man ni Domingo nga indi mapaea it maabu nga boto ro mga iregularidad ukon kapintasan sa kwalipikasyon it sangka kandidato.
Bangud makabig sigon nga nagtaeang eon lang ro 31 million nga mga boto para kay Marcos enggkaso nga madesisyunan it supreme court nga kanselahon ro anang kandidatura.
Sa pihak nga parte, madumduman ma nga suno kay Comelec Commissioner George Erwin Garcia nga engkaso nga pagasugtan it Korte Suprema ro petisyong kanselahon ro kandidatura it sangka winning candidate, hay awtomatikong ro nagapangaywa kana ro igakonsidera nga daog sa eleksyon apisar nga pormal eon imaw nga ginproklama.
