Ginkumpirma it Philippine Charity Sweepstakes Office ukon PCSO nga may naeakip nga tatlong taga-Aklan sa 433 jackpot winners sa grand lotto 6/65 ko October 1 draw.
Suno kay John Martin Alipao, financial and management officer 1 it PCSO Aklan nga sanda hay halin sa banwa it Kalibo, Malay ag Banga.
Ginpaathag ni Alipao nga sandig sa guidelines it ahensya, sa main office sa Metro Manila pwede ma-claim it mga tagdaog ro andang premyo kon siin kinahang-ean eamang nanda nga daehon ro winning ticket nga uwa it kupas ag uwa nakapilo kamana man daywang ka valid id’s nga nagapamatuod nga sanda ro nagdaog.
Mag-eowas kara, cheque sigon ro ginarelease it ahensya ag sa kamatuoran hay maabo eon ro winners nga nagpadueong mismo sa andang main office agud nga kobrahon ro andang daog.
Ro PCSO Aklan hay nagavalidate it winning lotto ticket apang hasta eamang sa P300,000 pesos ro pwede nanda nga irelease nga premyo.
Madumduman nga naging kontrobersyal ro Oktober 1 lotto draw it PCSO matapos nga sa kauna unahang kahigayunan hay 433 ro winners sa sangka draw nga may jackpot prize nga masobra sa Php236-million ukon Php545,245 ro mabueo it kada isaea kanda.
Ro mga numero nga nagdaog hay 9-18-27-36-45-54 nga mga divisible sa numero nga 9, ginakabig nga maswerte nga numero.
Nauna eon nga nagpanindugan ro PCSO nga ro lotto hay sangka “game of chance” ag owa it natabu nga dayaan.
