Sangka teenager ro nag-eowas it sangka juvenile Philippine serpent eagle matapos raya nga mapadpad sa terrace it andang baeay sa Barangay Sapu Padidu, Malapatan, Sarangani ko Setyembre 7.
Suno sa Sarangani Provincial Environment and Natural Resources Office, nakit-an ni Xian Mykee Laure Mejares ro agila matapos sigon raya nga atakihon it mga uwak.
Bangud nga nasayuran nana nga kaibahan sa mga endangered wildlife ro nasambit nga pispis, insigida nana raya nga gintatap ag nagpangayo it bulig sa mga awtoridad.
Insigida man nga rumesponde ro Municipal Environment and Natural Resources Office (MENRO)-Malapatan ag naeowas ro pispis. May sukat raya nga 53.34 sentimetro halin sa pantok hasta sa vent ag nasayuran nga una sa maayos nga kondisyon.
Matapos ro pag-usisa, ginbalik sa kagueangan ro Philippine serpent eagle ko Martes. Gindayaw man it Department of Environment and Natural Resources-12 si Mejares ag ro anang pamilya sa andang responsableng paghueag, kamana man ro MENRO-Malapatan sa madasig nga pagsabat sa insidente.
