-- ADVERTISEMENT --
Nag’umpisa eun kahapon nga adlaw ro lay’out para sa Eastern Terminal ag magahimo it mga stalls para sa mga market vendors nga ginasaligan nga matapos sa sueod it sang buean.
Pahayag man ni Vice Mayor Cynthia Dela Cruz nga kun makahalin eun ro mga vendors hay paga’umpisa ro konstruksyon sa Kalibo Public Market.
May pipila man sigon nga nagareklamo nga ro andang relocation site hay maisot apang temporaryo eamang sigon raya ag magabalikan man kun mahuman ro Kalibo Public Market.
Dugang pa ni Vice Mayor Dela Cruz nga maabo ro mga nakalinyada makaron nga proyekto it banwa it Kalibo sa pagpanguna ni Mayor Juris Sucro.
