-- ADVERTISEMENT --
Padayun nga ginatutukan it mga tennis fans ro pagsabak sa ikatlong round it US Open ni tennis great Serena Williams.
Ginakabig it mga fans nga posibleng raya eon ro uilihing hampang it US tennis star engkaso nga mapas-eawan raya sa alima ni Ajla Tomljanović ro ranked 38 Croation-Australian professional tennis player.
Matapos ro hampang it 23-time grand slam champion sa second round kontra kay Anett Kontaveit hay na-excite ro pilang mga fans nga uman imaw nga makitang maghampang sa ikatlong round.
Aminado si Kontaveit nga kakaiba ro atmosphere bangud medyo maabu ro mga nagapabor nga magdaog si Serena.
Ginlaygayan man ni dating world number 1 Roger Federer si Serena Williams nga dapat hay kalitan kara ro paghampang it US Open.
-- ADVERTISEMENT --
