Iga-sapinal eon sa maabot nga Miyerkules ro pinal nga report angot sa nagtuhaw nga barilan sa Senado ku Mayo 13, samtang padayon ro pagko-usoy it ebidensya it Department of the Interior and Local Government (DILG).
Ginkumpirma ni Interior Secretary Jonvic Remulla nga gina-buoe eon ro mga CCTV footage matapos gumuwa nga limitado ro nakolekta nga video it taeatapan ni Acting Sergeant-at-Arms Mao Aplasca, kaibahan ro kakueangan it buoe sa aktwal nga eukpanan sa tunga it mga tawuhan it Senado ag Philippine Marines.
Gina-usisa man it mga awtoridad ro mga video halin sa media bilang parte it imbestigasyon.
Sumikeab ro insidente kasunod it uman nga pageutaw ni Senador Ronald Dela Rosa sa Senado matapos ro mabuhay nga pag-panago, nga may kaangtanan sa mga istoryang angot sa arrest warrant halin sa International Criminal Court angot it imbestigasyon sa war on drugs.
