KALIBO, Aklan — Madayun eon ro phase-out it mga tricycle sa isla it Boracay umpisa sa buean it Agosto ag paga bayluhan it electric passenger tricyles ukon e-tricycles.
Suno kay Rowen Aguirre, Executive Assistant for Boracay Affairs it LGU-Malay nga tinotuyo it nasambitang tikang nga makaangkon it eowas ag komportabli nga klase it transportation kamana man agud mapahagan-hagan ro epekto it climate change sa isla.
Sa pihak nga parte, ro pag-shift sa e-tricycles hay padayun nga gina pamaeabagan it pilang operator it motorized tricycle bangud sanda eamang sigon ro gina bawaeang makabiyahe apang, gina pasugtan ro mga truck, cargo tricycles, ag iba pang de-motor nga saeakyan nga gina panag iyahan it mga resorts ag delivery companies nga nagiging rason it polusyon sa hangin.
Gina reklamo man nanda ro masyadong mahae nga presyo it e-tricycles.
