Ginbawi ni US President Donald Trump ro planong pagpataw it 20% reimbursement fee sa mga barkong naga-agi sa Strait of Hormuz, uwa pa it sang adlaw matapos nana rayang iproponer.
Ginhambae nana nga igasueong eon lang ro mas maeawig nga kasugtanan sa kalakalan ag pagpangapital sa mga nasyong kaibahan sa Gulf Cooperation Council (GCC).
Ro pag-atras sa proposisyon hay kasunod it pagbaeabag it mga nasyon sa Gulf ag it International Maritime Organization it United Nations, nga nagahambae nga uwa raya it legal nga basehan sa idaeom it international law.
Sa pihak nga ginbawi ro proposisyon, ginpahayag it Estados Unidos nga pagapadayunon kara ro pagharang sa mga barko ag kargamento it Iran, samtang magapabilin nga bukas ro Strait of Hormuz para sa iba pang mga nasyon.
