Nagpaandam si US President Donald Trump nga posibleng bombahon it Estados Unidos ro Oman kun pagabaeabagan kara ro kasugtanan it US ag Iran angot sa Strait of Hormuz.
Nagpanawagan man si Trump sa Iran nga magsurender eon sa nagapadayun nga giyera.
Padayun nga ginabuytan makaron it Iran ro kontrol sa Strait of Hormuz, samtang nakikipagnegosasyon ro Oman ag Iran angot sa pagdumaea sa importanteng aeagyan it tubi.
Suno sa Iran, ginahimo eon nanda kaibahan ro Oman ro sangka joint declaration angot sa andang kasugtanan.
Nahamtang sa naaminhan nga parte it Strait of Hormuz ro Iran, samtang sa nabagatnan man ro Oman. \
Makapilang beses eon nga ginhambae ni Trump nga gusto it Estados Unidos nga kontrolon ro estratehikong aeagyan.
Nauna eon nga ginpahayag ni Trump nga gusto nana nga ideklara ro Strait of Hormuz bilang kaparte it teritoryo it Estados Unidos.
