KALIBO, Aklan — Gusto sa makaron it Municipal Agriculture Office it Alcantara, Romblon nga maestudyuhan it husto ro kabute nga may kakaibang kabahoe nga tumubo sa likod nga parte it baeay it pamilya Guardian sa Brgy. San Roque sa nasambitang lugar.
Suno sa naga panag iya it panimaeay nga si Ofelia Guardian nga maghalin nga tumubo ro higanteng kabute hay gin kaguluhan eon raya it mga residente.
Raya hay gina tantiyang may sukat nga 1.6 feet ro kataason ag haeos daywang ka-paead it tawo ro kaeaparon kara.
Ro kumpoe-kumpoe nga kabute hay owa sigon naga kasamad ukon naga kaeo-o apisar nga mabaskog ro uean nga haoes sang dominggo man ro gin buhay.
Naga kangawa man ro mga natungdan bangud masami sigon nga naga buhay eamang it 24 oras ro ordinaryong kabute.
