-- ADVERTISEMENT --
KALIBO, Aklan–Gin-abisuhan ni Malay Sangguniang Bayan Member ag Boracay Foundation Incorporated (BFI) President Nenette Aguirre-Graf ro mga magasueod nga turista sa isla it Boracay nga magbaeon it straw, tumbler ag reusable ukon katsa bags.
Raya hay sandig suno kana sa naga-eksister nga ordinansa nga nagabawae sa pagbitbit it mga plastic bags ag styrofoam pasueod sa isla.
Suno kana nga tuyo kara nga mapahagan-hagan ukon eubusan nga maduea ro plastic nga basura sa Boracay.
Nasayuran nga ro sin-o man nga maga-eabag kara hay may multang P1,500 sa unang pag-eabag; P2,000 sa ikaywa; P2,500 ag an-um nga buean nga pagkakulong sa ikatlong pag-eabag.
