Ginkumpirma it United Arab Emirates (UAE) nga ro mga drone nga umatake sa andang Barakah nuclear power plant ko nagtaliwan nga domingo hay naghalin sa Iraq, nga nagtuga it pagkabaeaka sa seguridad it rehiyon sa tunga it nagapadayun nga tensyon sa Middle East.
Natabu ro insidente ko Domingo, Mayo 17, kat tumama ro sangka drone sa sangka electrical generator maeapit sa planta sa Abu Dhabi.
Nagtuga raya it sunog apang owa it napabalita nga naninahan ukon contamination it radiation. Daywa pang drone ro na-intercept it mga awtoridad.
Ro Barakah Plant ro naga-isaeahanon nga nuclear facility it UAE ag nagatau it haeos 1/4 it kuryente sa nasyon.
Maskin nga may ceasefire nga ginpatuman ko Abril 8, padayun sa gihapon ro mga report it pag-atake halin sa teritoryo it Iraq sa mga nasyon sa Gulpo.
Ko Marso, kaibahan ro Barakah sa listahan it mga potensyal nga target nga gin-publish it mga peryodiko sa Iran.
