KYIV, Ukraine – Nagpahayag it pakikisimpatiya ro Embassy of Ukraine sa pamilya it daywang Pilipinong seafarer nga namatay sa mga drone attack it Russia sa mga commercial ship sa Black Sea.
Suno sa embahada, eubus sanda nga nasubuan sa insidente ag nagaeaum nga madasig ro pagmayad it iba pang mga naninahan ag eowas nga makit-an ro sangka missing pa nga Pilipinong seafarer.
Nauna eon nga ginpahayag it Department of Migrant Workers (DMW) nga siyam nga barko nga may 139 Pilipinong tripulante ro naapektuhan it serye it mga pag-atake. Mag-eowas sa daywang namatay, 12 pa nga seafarers ro naninahan ag sambilog ro nagapabilin nga naduea.
Ginpamilit it embahada nga indi dapat maging target it pag-atake ro mga sibilyang barko ag andang mga tripulante, bangud nga nabutang sa peligro ro kaeowasan it mga seafarer, pangkalibutanon nga pag-eayag, ag suplay it pagkaon.
Ginpahayag man it Ukraine nga ginpahisayod eon kara ro mga insidente sa International Maritime Organization (IMO), mga kaalyadong nasyon, ag mga nasyon nga ginhalinan it mga tripulante. Nagpanawagan man raya sa pagbilog it sangka international monitoring mission sa mga pantalan it Ukraine agud nga mailista ro mga pag-atake ag mapasabat ro mga responsable.
