KALIBO, Aklan—Maabu pa nga mga bag-ong botante ro naghingabot sa ulihing adlaw it voter registration kahapon, Setyembre 30 sa nagkaeain-eain nga mga opisina it Commission on Elections ukon Comelec sa bilog nga probinsiya it Aklan.
Suno kay Chrispin Raymund Gerardo, tagapaghambae it Comelec Aklan nga matsa may hang-over pa sanda sa kaabuon it aplikante nga nagpila ag nakaparehistro sa ulihing adlaw ukon voter registration deadline nga gintaeana para sa 2025 Midterm Elections.
Kaeabanan sa mga naghingabot nga mga registrants hay ro mga nag apply para sa transfer ag reactivation.
Sa pihak nga parte, gindugang pa ni Gerardo nga kaibahan sa pagabotohan makaron hay ro 12 nga senador, sangka partylist representative, tig sambilog nga congressman sa eastern ag western side, governor, vice governor, tig limang provincial board members sa kada distrito, mayor, vice mayor ag waeo nga ka sangguniang bayan members.
Padumdum nana sa mga kandidato nga antes nga pirmahan ro igasumite nga Certificate of Candidacy hay basahon it mayad ag i-double check kon na-filed-out raya it tama.
