Ginpasiguro it National Grid Corporation of the Philippines (NGCP) nga stable eon ro suplay it kuryente patabok sa isla it Boracay.
Suno kay Engr. Lazaro Dela Cruz, Senior District Manager-District 4 Panay, pagkatapos nandang makumpleto ro ginhimo nga band-aid solution sa nasambit nga linya, sa andang pagpatigayon it due diligence, nataeupangdan nga 88% nga nakita nandang depekto hay ro corrosion ukon ro linya nga paeapit sa pangpang nga nagiging nagapangunang rason it unplanned outage.
Bangud kara, gindisideran nga magpatigayon it rehabilitasyon para sa nasambit nga transmission line.
Sa makaron, fully rehabbed eon ro Unidos-Caticlan 69kv transmission line nga natapos ku nagtaliwan nga Pebrero 13, haeos sang buean nga advance sa gintaeana nga schedule it pagtapos.
Ginpasiguro man nana nga bastante ro suplay it kuryente para sa paaeabuton nga Association of Southeast Asian Nation (ASEAN) Summit nga pagahiwaton sa isla it Boracay.
Sa makaron, padayon pa ro andang proyektong Nabas-Caticlan-Boracay 138kv line nga ginaeauman nga ma-energized makaron nga dag-on.
