Gin-anunsyo kan-o eamang it University of Texas ag Austin (UTA) nga makaangkon sanda it elective subject nga may titulong “The Taylor Swift Songbook”!
Kon dati, mga obra eamang nanday William Shakespeare, Jane Austen ag Ernest Hemingway ag iba pa ro ginatun-an it college students sa literature, makaron hay may kahigayunan eon ro mga estudyante it UTA nga tun-an ro mga kanta ni Taylor Swift.
Suno sa description it UTA website, pagatun-an sa nasambit nga subject ro literary critical reading ag research method-basic skills gamit ro mga kanta it award winning singer-songwriter nga si Taylor Swift.
Magiging focus man it discussion ro poetic form, style, theoretical issues nga nakabaehag sa mga lyrics it kanta ni Taylor Swift.
Nakabutang sa website it unibersidad nga ro pagatun-an nga mga kanta hay magahalin sa mga album ni Swift nga: Red (Taylor Swift’s Version), Lover, Folklore ag Evermore.
Suno sa spokesperson it UTA, madasig nga napuno ro mga slots it The Taylor Swift Songbook ag ro mga owa naka-abot sa enlistment hay kinahangean nga maghueat eon lang sa next semester.
Bukon it UTA ro unang unibersidad sa U.S. nga nag-offer it subject angot kay Taylor Swift.
Ko Pebrero 2022, naglunsar ro Clive Davis Institute sa New York University it music entrepreneurship course nga angot kay Taylor Swift.
