Magabisita si Pope Leo XIV sa tatlo nga mga nasyon sa South America umpisa sa Nobyembre 6 hasta 17, base sa anunsyo it Vatican.
Maga-agto ro Santo Papa sa Uruguay, Argentina, ag Peru agud makipagkita sa mga pumueuyo ag mga lideres it Simbahang Katoliko.
Espesyal ro pagbisita sa Peru para kay Pope Leo bangud nangin misyonero ag obispo imaw idtu antes nangin Santo Papa.
Ro mga lugar nga anang paga-agtunan hay ginaeakipan it mga siyudad it Montevideo ag iba pa nga mga lugar sa Uruguay, Buenos Aires ag Córdoba sa Argentina, kamana man sa Lima ag Chiclayo sa Peru.
Ginpahayag it Vatican nga magapagowa sanda it mas detalyado nga schedule it pagbisita sa masunod nga mga inadlaw.
Raya ro magiging sambilog sa mga mabahoe nga pagbiyahe ni Pope Leo sa guwa it Vatican bilang pangueo it Simbahang Katoliko.
