Ginkundina it North Korea ro presenteng joint military exercise it Japan ag United States, ag gintawag raya nga sangka “war rehearsal” ukon pagpahaum sa giyera.
Sa sangka editoryal it Korean Central News Agency (KCNA), ginpahayag it North Korea nga ginapabaskog sigon it Japan ro andang ikasarang nga magpatigayon it pagsalakay ag mas nga ginpadaeum ro relasyong militar kara sa US. Ginmitlang pa kara ro naunang Iron Fist military exercise ko Pebrero.
Gin-akusahan man it KCNA ro Japan nga ginagamit ro presenteng sitwasyon sa kalibutan agud nga taw-an it rason ro pagiging sangka “war nation”, ag nagpaandam raya it “tragic end” kun magapadayun ro gina-alegar nga peligroso nga tikang it Tokyo.
Ro Resolute Dragon military exercise hay nag-umpisa ko Hunyo 20 sa Okinawa ag Kyushu, Japan, ag nakataeanang magatapos makaron nga adlaw it Martes.
