Ginapag-isipan makaron ni US President Donald Trump nga magtan-aw it NBA Finals nga nakataeanang maga-umpisa sa masunod nga domingo.
Suno kay Trump, dati eon nana nga ginaplanuhan nga magtan-aw it Game 5 sa tunga it Cleveland Cavaliers ag New York Knicks sa Eastern Conference finals matapos imaw nga imbitahan it Knicks owner nga si James Dolan.
Sa pihak kara, owa sigon raya nadayun bangud nga insigidang gintapos it New York ro matchup sa ap-at nga hampang.
Sa makaron, ginapag-isipan sigon nana nga magtan-aw sa sangka game apang owa pa nakadesisyon kun raya hay sa nagapadayun nga Western Conference finals ukon sa 2026 Finals.
Si Trump hay mabuhay eon nga residente sa New York ag may interest sa New York Knicks franchise.
Ro nasambit nga koponan hay nauna eon nga nakasueod sa 2026 Finals samtang presente man nga ginapatigayon ro Western finals sa tunga it Oklahoma City Thunder ag San Antonio Spurs.
Sa pihak nga parte, nakataeana sa June 3 ro unang game sa nagahilapit nga Finals.
Raya hay pagasundan it June 5, June 8, ag June 10.
