-- ADVERTISEMENT --
Gin-aprubahan sa plenaryo sa ginpatigayon nga session it Sangguniang Panlalawigan it Aklan ro ginaduso nga resolusyon ni Provincial SK Federation President Blessie Jizmundo angot sa hinyo kara sa Professional Regulation Commission ukon PRC nga paeawigon pa ro validity it PRC licenses hasta sa limang dag-on.
Ginpahayag ni Jizmundo nga malisod para sa Aklanon professionals kon permi ro mga raya magrenew it andang lisensya kon siin maeayo pa magbyahe paadto it syudad it Iloilo bangud nga uwa it opisina ro PRC sa Aklan.
May kaangtanan kara, ginhinyo dugang kara nga makaangkon it satellite office sa banwa it Kalibo nga maaccomodate it mga Aklanon nga inde eon kinahang-ean pa nga magbyahe it maeayo para sa nasambit nga impotanteng dokumento.
