Nag-renew it kontrata si Vice Ganda sa ABS-CBN ku Agosto 7 ag ginpahayag man nga may ginapahaum imaw nga bag-o nga proyekto sa GMA Network.
Suno kay Vice, malipayon imaw nga magapadayon bilang Kapamilya ag ginakabig nana nga dungog ag pribilehiyo ro pagin bahin it ABS-CBN.
Ginpahayag man nana nga bisan sa iba nga platform ro anang mga proyekto, kaibahan gihapon ro ABS-CBN.
Samtang, nagapadayon ro “It’s Showtime” sa GMA-7 halin Lunes hasta Sabado.
Magabalik man si Vice Ganda sa Metro Manila Film Festival daya nga dag-on, kung sa siin magabida imaw kaibahan si Vic Sotto sa pelikulang The Greatest Showdown.
Gin-iskedyul ro pagbukas it pelikula sa Disyembre 25.
Habuoe ni Vice ro anang una nga MMFF Best Actor award ku nag-agi nga dag-on para sa Call Me Mother.
