Ginbatikos ni Vice President Sara Duterte ro kahimtangan it journalism sa Pilipinas matapos ikumpara raya sa international media kasunod it anang pagbisita sa dating Pangueong Rodrigo Duterte sa The Hague.
Sa sangka panayam, ginhambae ni VP Duterte nga mas maayos sigon ro pag-usoy ag ag pag-bulgar it balita it international media kaysa sa pilang lokal nga mamamahayag.
Ginpamilit man nana nga may mga kahigayunan nga napapaguwa sigon sa saea nga konteksto ro anang mga pahayag, nga naga-tuga it negatibong pag-tan’aw kana ag sa anang pamilya.
Ginpamilit man it Bise Presidente nga bukon dapat it kwarta ro nagapangunang motibasyon sa pamamahayag ag ginhambae nana nga nakakabulig ro social media sa pag-tao sa publiko it nagkaeain-eain nga panan-aw sa mga isyu.
Nagpahayag man imaw it kabaeaka sa naga-bag’o sigon nga pag-tao it importansya it pilang Pilipino ag ginengganyo ro pag-tao it importansya sa bayanihan, disiplina, ag katatagan.
