KALIBO, Aklan—Nagapabilin nga kanselado ro mga water sports activities sa isla it Boracay bangud sa ginpaguwa nga gale warning nga nagatuga it mabaskog nga humbak ag hangin daea it bagyong Goring.
Suno kay Sr. Chief Petty Officer Dominador Salvino, deputy station commander for operations it PCG-Aklan nga mag-eowas sa mga water sports activities hay kanselado man ro biyahe it mga pampasaherong sakayang pandagat paagto it Hambil port kamana man sa San Jose ag Sta. Fe port sa Romblon.
Bangud kara, nakaangkon it mga stranded nga pasahero nga nakatambay sa pantalan sa Caticlan, Malay.
Owa man it kanselasyon it biyahe it mga roro vessel paagto sa Mindoro port ag isla it Boracay.
Nakasanayan sigon nanda nga ibawae ro mga water sports activities kon naka-saka ro gale warning agud nga indi mabutang sa peligro ro kabuhi it mga turista.
Ginpasiguro man it PCG-Aklan nga haum ro andang mga kagamitan eabi eon sa mga floating assets agud nga magaresponde sa mga local government units nga magakinahangean it andang bulig bangud sa maeain nga paniempo.
Ginpahayag dugang nga insigidang magapaguwa it panibag-ong sea travel advisory nga magdepende sa weather condition.
