KALIBO, Aklan-–Sangka napueong buean nga eapsag nga eaeaki ro panibag-ong namatay tuga it sakit nga dengue.
Base sa report, ro eapsag nga taga-Brgy. Alegria ro kauna unahan nga namatay sa dengue sa banwa it Buruanga.
Imaw hay ginbawian it hueam nga kabuhi sa sangka ospital sa Roxas City.
Ginasugid nga gindaea ko Sabado sa Buruanga Medicare Hospital ru eapsag ag dayon man nga ginsaylo sa Intensive Care Unit (ICU) it St. Gabriel Medical Center.
Miyerkules, gin transfer sa sangka ospital sa Roxas City bangud kinahang-ean nga taynan it dugo ro eapsag apang uwa it dugo nga available sa Kalibo ag Roxas City rason nga nagdesisyon ro pamilya nga magbo-oe sa Philippine Red Cross sa Iloilo.
Nasayuran pa nga samtang nagapabalik sa Roxas City hay nadisgrasya ro ginasakyan nga van it ama nga sa mayad nga swerte hay nakaeowas sa peligro.
Gabie eon sigon sanda nakaabot sa ospital sa Roxas apang sangkiri nga minuto eang gid ro nagtaliwan ag gin deklara nga patay eon ru eapsag.
