Sangka 101-anyos nga lolo nga nag-drop out sa high school sa West Virginia ko the 1930’s ro nakabaton sa wakas it anang diploma makataliwan ro masobra sa 80 anyos.
Ginpahayag it Jefferson County Schools sa West Virginia nga si Merrill Pittman Cooper, 101-anyos hay dating naga-eskwela sa Storer College, sangka dating high school sa Harper’s Ferry, apang ginkinahangean nana nga magpundo sa pagtuon sa senior high ko 1938 kat imaw ag ro anang ina hay nagsaylo sa Philadelphia bangud sa pinansiyal nga rason.
Nagpahayag sigon it eubus nga paghinoesoe si Cooper nga owa naka-graduate sa uman nana nga pagbisita sa nasambit nga eskwelahan ko 2018.
Bangud kara, gintinguhaan it anang mga igbata nga makipag-angot sa pamunuan it dating Storer College campus ag makaron nga buean it Marso hay nataw-an it katumanan ro handum it lolo kat makabaton it honorary diploma halin sa Jefferson County Schools sa ginpatigayon nga graduation ceremony nga gintambungan it anang pamilya.
