KALIBO, Aklan — Opisyal eon nga nagpungko ro bag-ong Commanding Officer it 12th IB it Phil. Army sa Camp Jizmundo Libas, Banga.
Ginbayluhan ni Lt. Col. Siserado Magbalot Jr si Lt. Col. Roderick Garcia.
Sa interbyu it Bombo Radyo Kalibo kay Magbalot, ginpahayag kara nga opisyal eon imaw nga nagpungko ku Abril 5 makaron nga dag-on.
Ginpahayag ni Magbalot nga magapadayun it pagserbisyo si Garcia sa bahin it Manila.
Ginpunto man kara nga normal eamang para kanda nga mga opisyal ro magbaeayluhan bilang kaparte it andang serbisyo.
Raya sigon hay bag-ong opurtiunidad para kanda.
Si Magbalot hay dati nga commanding officer it 61st Infantry Division antes nga naging commanding officer it 12 IB iya sa Aklan.
Imaw hay tubong Tarlac ag kaibahan PMA graduate it Class 1995.
Sa pihak nga parte, gina preparahan eon makaron it bag-ong Commanding Officer it 12th IB it Phil. Army sa Camp Jizmundo Libas, Banga ro mga igaplastar nga seguridad sa maabot nga May 2019 mid-term elections.
Suno kay Lt. Col. Magbalot nga nakataeana imaw nga makipag-istorya sa PNP provincial director it Aklan.
Raya hay agod nga maistoryahan nanda ro pagahimuon nga security measures ukon preparasyon ag implementasyon para sa maabot nga election.
Dugang pa kara, gusto na man sigon nga mangin “significant” ro partisipasyon it 12 IB sa pagmentinar it peace and order sa biliog nga probinsiya.
Lt. Col. Siserado Magbalot Jr
