Sangka pamilya sa Spain nga may 12 nga magmaeanghud ro ginpasidunggan it Guinness World Record bangud nga kon ilibahon ro andang mga edad hay maga-abot raya sa 1,058 years and 249 days old!
Ginaeakipan it pitong eaeaki ag limang babaye ro Hernandez-Perez siblings.
Ro pinakabata kanda hay 76- anyos ag pinakamagueang man hay 97-anyos.
Naga-istar ro magmaeanghud sa Moya, sangka maisot nga banwa sa naaminhan nga parte it Gran Canaria, sambilog sa mga isla it Canary Islands.
Nag-umpisa eamang sa sueunlugan ro selebrasyon it family reunion ro paghangkat it Hernandez-Perez family sa Guinness title nga “Highest combined age of 12 living siblings”.
Kat masayuran nanda nga mas mataas ro combined age nanda sa current record holder, ginseryoso eon it magmaeanghud ro application ag insigida nanda nga gintipon ro andang birth certificate para isumite sa Guinness.
Matapos nga kumpirmahoon it Guinness nga sanda ro pinakabag-ong record holder, uman nga nag-ililiba sanday Jose (97-anyos), Alejandro (96), Carmen (94), Juan (93), Rosario Ofelia (92), Amanda (90), Modesto (88), Angela (86), Francisco (84), Gloria Hortensia (82), Miguel (80) ag Luis (76) para i-selebrar ro andang pinakabag-ong achievement, ro maeakip sa Guinness Book of World Records.
