13 patay sa magnitude 7.1 nga linog sa Japan

Sumaka eon sa 13 ro numero it mga namatay matapos uyugon it magnitude 7.1 nga linog ro Kumamoto Prefecture sa nabagatnan-nakatunggdan it Japan ku Martes, samtang nagapadayon ro search and rescue operations sa mga lugar nga grabe nga naapektuhan.

Kaibahan sa pinakamalala nga nahalitan hay ro Nippon Paper Yatsushiro Millag Aeon Mall Kumamoto, kun siin may mga nareport nga na-trap sa mga naeumpag nga istruktura.

Siyam nga katawo ro nagapabilin nga missing sa paper mill, samtang daywa ro naeuwas apang una sa kritikal nga kondisyon.

Masobra 222,000 residente man ro ginmanduan nga magbakwit sa pilang syudad ag banwa sa Kumamoto.

Masobra 1,400 emergency responders ro ginpadaea sa mga apektadong lugar agud padasigon ro rescue operations.//