Namatay ro 14 ka bag-ong natawo matapos magsiga ro nursery it sangka mabahoe nga government hospital sa Islamabad, capital it Pakistan, adlaw it Miyerkules.
Suno sa mga opisyal it ospital, may kapin sa 15 bagong natawo kat nag-umpisa ro sunog, apang may isaeang unga nga na-rescue.
Suno sa rescue officials, nag-umpisa ro sunog bandang alas-6:45 it agahon.
Ginapatihan nga nag-eupok ro compressor it air-conditioning unit sa sueod it nursery nga una sa gynecology ward it ospital.
Madasig nga nagresponde ro mga bombero ag napaeong ro sunog.
Nagpadayon man ro rescue teams sa cooling operations sa lugar.
Nagpahayag it kasubo si Pakistan Prime Minister Shehbaz Sharif sa pagkamatay it mga unga ag ginmanduhan ro dayon nga imbestigasyon sa insidente.
Ginpakumpirma it opisina it prime minister nga 14 ka bag-ong natawo ro namatay sa insidente, nga gintawag ni Sharif bilang indi mabawi nga kapierdi bangud mga mga unga ro nadaeahig.
