Nakalista it kapin sa 15 election related violent incident ro mga awtoridad kahapon, Mayo 9.
Suno kay Armed Forces of the Philippines (AFP) Spokesperson, Col. Ramon Zagala, ro nasambit nga insidente hay gina-eakutan it shooting incident, explosion, ag iba pa.
Ginakabig sigon nga good low number ro mga insidente bangud owa man raya nakaapekto sa pagboto it mga botante apisar nga may pilang ka mga namatay bangud sa nasambit na insidente.
Dugang pa ni Zagala nga ro importante hay inisigida nga nakaresponde ro katapo it AFP sa mga apektadong lugar para buligan ag mapabatyag sa mga pomoeuyo ro seguridad sa ginpatigayon nga eleksyon.
Samtang, sandig sa datos it Philippine National Police (PNP) ro nasambit nga kabilugang numero it mga insidente hay mas manaba kumapara sa nagtaliwan nga eleksyon rason nga makabig nga mahilway ro hapatigayon nga eleksyon.
