NATIONAL News—Ginkumpirma ni Cabinet Secretary Karlo Nograles nga may ginaeauman nga 16 million doses it Covid-19 vaccine nga nakataeanang i-deliver sa nasyon makaron nga buean it Hulyo, kung siin kapin sa 3 million eon ro nag-abot sa mag nagtaliwan nga inadlaw.
Ginpahayag ni Nograles, sa katapusan it buean naga-abot sa 32 ukon 33 million vaccine doses eon ro natabon it Pilipinas umpisa ko first delivery ko Pebrero 28,2021.
As of July 9 may una eon nga masobra 20 million nga bakuna ro nag-abot sa nasyon.
Sa kabilugan, kapin sa 10.4 million doses ro ginbakae it gobyerno, 7 million halin sa COVAX facility, masobra daywang milyon halin bilateral donations samtang ro iba hay mga initial deliveries it LGU ag private sector-procured doses.
Kaibahan sa mga supplies nga ginaeauman nga mag-abot makaron nga buean hay ro mga vaccine halin sa Johnson & Johnson halin sa “sharing agreement sa United States”, COVAX, Moderna, Pfizer, ag Sinovac.
Dugang pa ni Nograles nga sa buean it Agosto kapin sa 14 million doses pa it bakuna ro nakataeana nga mag-abot sa nasyon.
