KALIBO, Aklan — Nakabalik eon sa Manila ro kapin sa 16 nga miyembro it sangka pamilya nga gina-alegar nga nabiktima it food poisoning samtang nga nakabakasyon sa isla it Boracay .
Nauna eon nga gindaea ro mga pasyente sa daywang medical clinics sa isla .
Suno kay Rod Bachiller it Boracay Fire and Rescue Volunteers Incorporated nga ro nasambit nga mga biktima hay napabalitang nag-eain ro andang pamatyag samtang nagatinir sa sangka resort rason nga insigida nanda nga gindaea sa daywang klinika agud nga mataw-an it first aid.
Pila sa mga biktima hay menor de edad nga kon sa siin ro pinakabata hay tatlong dag-on.
Ginpahayag pa ni Bachiller nga owa eon nagtau it iba pang detalye ro mga biktima bangud nga nagamadali sanda nga makabalik sa Manila.
Owa man sigon nagpangayo it bulig ro pamilya sa kapulisan sa pagkabaeaka nga maatrasar ro andang pag-uli .
Ginhambae sigon it pila sa mga biktima nga idtu lang sanda magapabueong pag-uli sa Metro Manila.
