Sumalang eon sa unang sea trial ro ikaywang 97-meter multi-role response vessel (MRRV) it Philippine Coast Guard (PCG) nga pagapangaeanan nga BRP Melchora Aquino sa oras nga makomisyon eon raya sa serbisyo.
Suno sa pahayag it Philippine Coast Guard ro nasambit nga sea trial hay ginpangunahan it Mitsubishi Shipbuilding Co. Ltd. nga ginpatigayun sa kaeawran it Japan.
Naging euwas ag madinaeag-on ro nasambit nga inisyatibo nga tuyo nga usisaon ro kahauman it nasambit nga barko antes eubusang magbiyahe raya pauli it Pilipinas sa masunod nga buean.
Suno sa Coast Guard, ro MRRV-9702 hay may una nga maximum speed nga indi magnaba sa 24 knots; endurance nga indi magnaba sa 4,000 nautical miles ag may ikasarang nga magpatigayun it pangmabuhayan nga pagpatrolya sa West Philippine Sea, Philippine Rise, ag iba pang parte it exclusive economic zone it Pilipinas.
