KALIBO, Aklan — Ginkumpirma ni 2nd district Congressman Ted Haresco nga magapa-reelect imaw sa 2025 midterm elections ngs owa it grupo.
Raya hay kasunod it anang pagdihon it Certificate of Candidacy (COC) adlaw it Biyernes, Oktubre 4 kaibahan ro anang unga nga si Jose Haresco nga magapa-ilihir bilang provincial board member sa anang distrito.
Ginpromisa ni Haresco ro dugang nga programa ag proyektong pang-imprastraktura para sa mas pang pag-asenso it Aklan eabi eon sa Western side it probinsiya sa idaeum it anang slogan nga “Todo Asenso”.
Bangud sa kampeon sigon ro anang unga nga si Jose sa hampang nga tennis, igaduso kara nga mas pang mapabaskog ro sports sa mga pamatan-on.
Raya hay mag-eowas pa sa pagtukib ag pag-develop it andang mga talento pinaagi sa anang naumpisahan nga “Tawag sa Tangalan,” sangka province-wide talent competition.
Bilang pagtau man it pasidungog sa mga manugturo, pagapadayunon sigon nana ro pagkilaea sa mga raya pinaagi sa Aklan Outstanding Mentors (ATOM) awards nga una eon sa ika-an-um nga dag-on.
Dugang pa ni Haresco nga ro anang desisyun hay kapareho man suno kana sa estratehiya makaron it Marcos administration, kun sa siin ro anang 12-man senatorial line-up hay naghalin sa nagkaeain-eain nga partido.
