Inde magnaba sa tatlong Palestino ro namatay sa Gaza, adlaw it Sabado matapos ro daywang magkaseparadong air strikes it Israeli military suno sa local health officials ag medics it Palestine.
Raya eon ro pinakabag-ong insidente sa pihak it sangka U.S. brokered ceasefire nga nagairal it masobra sa limang buean eon.
Suno sa Palestinian health officials, ro sangka eaeaki hay napatay sa air strike nga ginapatihang una sa saeakyan sa Khan Younis sa southern Gaza, samtang daywang magmanghod mat-a nga eaeaki ro napatay sa Shujiaya, sangka lugar sa Gaza City.
Uwa eagi nagtao it pahayag ro Israeli military angot sa daywang air strikes.
Halin kat ginpatuman ro ceasefire sa tunga it Israel ag Hamas ko Nobyembre, masobra sa 680 Palestino nga ro namatay sa Gaza suno sa local health officials.
Samtang, ginpamalibaran it Hamas ukon iba pang militanteng grupo ro mga magmanghod bilang miyembro nanda.
Sa pihak it ceasefire, padayon ro kinagamo sa Gaza.
