-- ADVERTISEMENT --
Ginbatikos online ro sangka soldado it Israel matapos ginbutangan it sigarilyo ro baba it estatwa ni Virgin Mary sa sangka Christian village sa Southern Lebanon.
Makita sa litrato nga nagakalhit sa social media platform X ro soldado nga nagasandig sa estatwa samtang nagabutang it sigarilyo sa anang baba.
Ginkumpirma it Israel Defence Forces (IDF) nga nakilaea eon nanda ro soldado nga ginpaidaeium sa disciplinary action matapos nag-viral online ro nasambit nga insidente.
Suno sa IDF, ginakabig nanda ro insidente nga “grave” ag seryoso nga pag-eabag sa mayad nga pagpakita it pagbinatasan nga ginaeauman sa sangka soldado.
-- ADVERTISEMENT --
