Nagsumite ro ap-at nga nasyon it andang intensiyon nga maging host it 2026 Women’s Asian Cup.
Suno sa Asian Football Confederation (AFC) nga ginakaeakipan it Saudi Arabia, Australia, Jordan ag Uzbekistan.
Engkaso nga mapilian ro Saudi Arabia hay raya ro magiging kauna-unahan nga opisyal nga international women’s tournament.
Ko nataliwan nga Pebrero hay unang naghampang ro womens’ football team it Saudi Arabia.
Dag-ong 2006 hay naging host eon ro Australia samtang ko 2018 man hay ginpatigayon raya sa Jordan.
Ro Saudi ag Uzbekistan eamang ro owa pa nakahost it nasambit nga torneo.
Dugang pa it AFC nga makga-istorya sanda it Bidding Member Association para masayuran ro masunod nga host ag aya hay iga-anunsyo sa 2023.
Samtang, naboue man it China ro Women’s Asian Cup tag piyerdihon kara ro South Korea sa finals it 2022 tournament nga ginhiwat sa India.
