Naga-abot sa 405 milyong estudyante halin sa 23 nga mga nasyon ro nagapabilin nga apektado it pagsarado it mga eskwelahan bangud sa COVID-19 pandemic.
Base sa pinakaulihing report nga ginpagguwa it United Nations Children’s Fund (UNICEF), 23 nga mga nasyon pa halin sa nagkaeain-eain nga parte it kalibutan ro owa pa eubusang nakabukas it andang eskwelahan.
Samtang, maabu man nga mga estudyante ro nagapameligro nga magpundo sa andang pagtuon.
Mabahoe nga kawad-an man para kay UNICEF Executive Director Catherine Russell ro hitabo bangud posible raya nga magtuga sa inequality sa pag-access sa kasayuran sa pamaagi it edukasyon.
Sa datus it UNICEF, kapin sa 147 milyong mga pamatan-on ro owa nakatambong sa masobra katunga it andang in-person classes sa nagtaliwan nga daywang dag-on.
