Sumaka eon sa 43 indibidwal ro napabalita nga namatay samtang waeo ro naninahan bangud sa pagpanaeasa it bagyong Agaton.
Raya hay base sa latest situational report nga ginpagguwa it National Disaster Risk Reduction and Management Council (NDRRMC) makaron nga adlaw.
Suno kay NDRRMC Spokesperson Mark Timbal, may nadugang nga waeong katawo nga naninahan samtang pito ro missing.
Ginpahayag ni Timbal, ro 37 nga naireport nga fatalities hay halin sa Baybay City sa Leyte, tatlo halin sa Negros Oriental, daywa halin sa Monkayo, Davao de Oro sambilog ro maghalin sa Cateel, Davao Oriental.
Sa makaron, humampak eon sa kabilugan nga 580,876 katawo ukon katumbas it 213,327 pamilya ro apektado it bagyong Agaton halin sa 924 barangays sa Bicol, Western Visayas, Central Visayas ag Eastern Visayas, Northern Mindanao, Davao, Soccsksargen, Caraga, ag Bangsamoro Autonomous Region.
Naga-abot man sa 34,583 katawo ukon 13,788 pamilya ro presenteng nagatinir sa 348 evacuation centers.
