45 patay sa maeapnagon nga pagbaha sa South Korea

Patay ro 45 indibidwal sa maeapnagon nga pagbaha ag pagragasa it mga eutay kasunod it bagyo sa Port City of Durban nga sakop it Kwazulu-Natal Province sa South Africa.

Suno sa Province’s Department of Cooperative Governance, posible pang madugangan ro numero it mga namatay bangud nga naga-inabu pa ro andang nababaton nga report halin sa nagkaeain-eain nga mga ahensiya.

Bangud sa mabaskog nga pag-uean, ginpundo ro operasyon it mga tren ag ginpasarado ro kapin sa 20 nga karsada sa nabagatnan-nasidlangan it siyudad.

Sa makaron, nagapadayun pa ro rescue operation it mga otoridad sa lugar matapos nga mag-abot sa masobra 4,000 nga kabaeayan ro nasamad bangud sa pagpanaeasa it bagyo.